ملتان۔23دسمبر(اے پی پی)وزیر خارجہ مخدوم شاہ محمود قریشی آکھیے جو او آئ?? سی دے کامیاب اجلاس تے پورا ڄڳ پاکستان دی تعریف کریندا پئے، پاکستان آندے سال مارچ اچ او آئ?? سی وزرائے خارجہ کونسل دے 48 ویں اجلاس دی ولا میزبانی کریسی، پچھلے دور اچ وزیر خارجہ نہ لا تے پاکستان کوں سفارتی سطح تے ڄاݨ ٻڄھ تے کلہا کیتا ڳئے اتے اڄ پاکستان، اپݨی موثر سفارت کاری پاروں پورے ڄڳ دی توجہ ٻݨیا ہوئے۔ اے ڳالھ انہاں ملتان اچ پی ٹی آئ?? رہنما ملک طارق بھٹہ ولوں تقریب پذیرائی نال خطاب ??چ آکھی۔ انہاں آکھیا جو پاکستان ہمیشہ توں خطے اچ امن‘ خوشحالی اتے افغانستان اچ ترقی چاہندے، جیکر افغانستان اچ خوشحالی ہوسی تاں خطے اچ وی امن تھیسی، اڄ وݙا مسلہ افغانیاں کوں ٻُکھ توں بچاوݨ اے جیندے کیتے پاکستان پہل کیتی اے، پاکستان افغانستان دے مسئلہ تے ڄڳ کوں ڄڳاوݨ دا ٻیڑا چاتے اتے وزیر اعظم عمران خان دی اڳواݨی اچ پاکستان کوں ہک تاریخی، سفارتی کامیابی ملی اے۔ انہاں آکھیا جو میں تہاݙا نمائندہ ٻݨ تے پورے ڄڳ اچ پاکستان دا مقدمہ لڑدا پیاں، اپݨے ووٹرز اتے ق??م کوں مایوس نہ کریساں، حکومت پورے خلوص نال ملکی ترقی اتے پاکستان دا وقار اچیچا کرݨ اچ لڳی ہوئی اے، حکومت عوام دی سک دے مطابق اپݨی خارجہ پالیسی ٻ??ائی اے جو سارے ملکاں نال برابری دی سطح تے روابط ہوون۔ انہاں پی ٹی آئ?? رہنما ملک طارق بھٹہ‘ ملک عثمان بھٹہ اتے ٻئے کارکناں دے کٹھے او آئ?? سی اجلاس دی پاکستان اچ کامیابی تے کیک کٹیے۔ انہاں کلین اینڈ گرین مہم سانڳے ہک ٻوٹا وی لائے۔ بعد اچ انہاں وزیر مملکت ملک عامر ڈوگر‘ بیرسٹر عثمان ڈوگر‘ ملک عدنان ڈوگر دی اماں سیئݨ دی قل خوانی اچ وی شرکت کیتی۔
پاکستان آندے سال مارچ اچ او آئی سی وزرائے خارجہ کونسل دے اجلاس دی ولا میزبانی کریسی، وزیر خارجہ مخدوم شاہ محمود قریشی
مضمون کا ماخذ : لاٹری جیتنے کے نمبر
متعلقہ مضامین
.jpg)
