اسلام آباد۔24جولائی(اے پی پی) سېنېټ په متفقه توګه يو قرارداد منظور کړے چې پكښې وئيل شوي چې په پاکستان او نورو پرمختګ كوؤنكو هېوادونو کښې په ترجيحي بنيادونو د مېرمنو حقونو او خېر ښېګړې ته پام ګرځولو ته اړتيا ده٬ د آبادۍ موثره انتظام كولو او مېرمنو ته توليدي حقونه وركولو سره د پاكستان د انساني وسائلو ممكنه پرمختګ ٬ د سماجي اشاريو بهترۍ او د يوې سوكاله ټولنې تعمير او صنفي مساواتو پلو ګام پورته كېدې شي۔ د شورو په ورځ د سېنېټ په غونډه كښې سېنېټر ثانيه نشتر يو قرارداد وړاندې كړو چې پكښې آبادۍ سره اړوندې ستونزې په ګوته كولو لپاره د ملګرو ملتونو لخوا هر كال د جولائي د 11مې نېټې نمانځلو اهميت تسليمولو سره ووئيلې شوو چې دا ايوان اعتراف كوي چې د كال 2023 لپاره د ټاكلې شوي سرخط “د صنفي مساواتو طاقت كارولو سره د مېرمنو او انجونو غږ رامخې ته كولو سره د لامحدود امكاناتو دروازه پرانستلې كېدې شي” پاكستان او نورو پرمختګ كوؤنكو هېوادونو لپاره په خاص توګه اهم دے ولې چې په دې هېوادونو كښې په ترجيحي بنيادونو د مېرمنو حقونو او د مېرمنو او انجونو خېر ښېګړې ته پام ګرځولو ته اړتيا ده۔ دا اندېښنه ښكاره كولو سره چې پاكستان د آبادۍ لحاظ سره د نړۍ 5 م لويے هېواد دے ٬ د دې آبادي په كال 2050 كښې 403 ملين ته د رسېدو امكان دے ٬ چې ورسره يو شمېر ستونزې رامخې ته كېدې شي۔ په آبادۍ كښې زياتوالې د مېرمنو توليدي صحت او خېر ښېګړې سره تړلې دې او ددې په بنيادي سببونو كښې د مېرمنو د توليدي حقونو لمينځه وړل ٬ په آبادۍ د قابو موندلو په ضمن كښې لاعلمي ٬ په كم عمر كښې ودونه ٬ تعليم ته محدود لاس رسي او په كار كښې د مېرمنو كم شموليت شامل دے۔ دا تسليمولو سره چې د آبادۍ موثره انتظام كولو او مېرمنو ته د توليد حق وركولو سره د پاكستان د انساني وسائلو ممكنه پرمختګ ٬ د سماجي اشاريو اشاريو بهترۍ او د يوې سوكاله ټولنې تعمير او صنفي مساواتو پلو ګام پورته كېدې شي د پاكستان سېنېټ په دې خبره زور راوړي چې په دې لړ كښې دې ټولې اړوندې ادارې په كومو كښې چې سركاري ايجنسۍ ٬ صوبائي حكومتونه او نور پېوست سټېك هولډزز شامل دي په ګډه كار وكړي۔ ايوان په متفقه توګه د قرارداد منظوري وركړه۔
په پاکستان او نورو پرمختګ كوؤنكو هېوادونو کښې د مېرمنو حقونو او د دوئي خېر ښېګړې ته به په ترجيحي بنيادونو پام ګرځول وي ٬ په سېنېټ كښې متفقه قرارداد منظور
مضمون کا ماخذ : estatisticas lotomania
متعلقہ مضامین
