اسلام آباد ۔ 2 جولائی (اے پی پی) الیکشن کمیشن آندے عام انتخابات کیتے پوسٹل بیلٹ گھنڑ سانگے درخواستاں وصول کرنڑدا خمیس چھیکڑی ڈینہہ مقرر کیتے۔غیرمقامی ووٹرزجیہڑے آپ پولنگ سٹیشن نئین پج سگدے او قومی اتے صوبائی اسمبلیاں کیتے پوسٹل بیلٹ دے ذریعے اپنڑا حق رائے دہی استعمال کر سگدن۔الیکشن کمیشن دے ہک عہدیدار دے مطابق پوسٹل بیلٹ کیتے درخواستاں الیکشن کمیشن دی ویب سائٹ www.ecp.gov.pk تے دستیاب فارم یامتعلقہ حلقہ دے ریٹرننگ افسر توں گھدے ونج سگدن ۔جیہڑے ووٹراں کوں پوسٹل بیلٹ جاری تھئے ہوون او پولنگ اسٹیشن ونج تے اپنڑا حق رائے دہی استعمال نہ کر سگسن۔ووٹراپنڑی درخواست متعلقہ محکمے یادفتر ولوں توثیق دے بعد بھجیسی تاں جو کوئی غیرمتعلقہ شخص پوسٹل بیلٹ کیتے درخواست نہ ڈے سگے۔
مضمون کا ماخذ : شمال کے ڈریگن
