اسلام آباد ۔ 2 اکتوبر (اے پی پی) وزیر دفاع پرویز خٹک آکھیے جو یوٹیلٹی سٹورز دے ملازماں تے آئی ٹی ٹیچرز کوں نوکریاں توں کائنی کڈھیا ویندا پیا ‘ جہانگیر ترین کوں خیبر پختونخوا اچ کوئی کنٹریکٹ نی ڈتا گیا ‘ عمران خان دے کزن امریکا اچ معروف ڈاکٹرہن او تنخواہ کائنی گھندے پے اپنڑے خرچے تے امریکا توں اجلاساں اچ شرکت سانگے آندن ۔ تحریک انصاف دی حکومت کامیاب تھیسی تے ایندا صلہ اساکوں عوام ڈیسے ۔ منگل کو ںقومی اسمبلی اچ مسلم لیگ (ن) دے ڈاکٹر عباداللہ ولوں ضمنی مالیاتی بل تے چاتے گے نکتے دے جواب اچ پرویز خٹک وضاحت کریندے ہوئیں آکھیا جو اسمبلی اچ کوڑ مارنڑ تے سزا ڈیونڑیں چاہیدی اے ۔ انہاں آکھیا اگر جہانگیر ترین دے ناں ہک وی ٹھیکہ ثابت تھی گیا تاں میں جرمانہ ڈیونڑ سانگے تیار ہاں ۔ جہانگیر ترین ڈے ہک کنٹریکٹ ہئی جیرھا اساڈے دوراچ کائناں پچھلے دور اچ ڈتا گیا ہئی ۔اینویں پی پی ایچ آئی اچ جہانگیر ترین داکوئی حصہ کائناں ہئی ۔ کوڑ تے کوڑ مارنڑ دا صلہ انہاں کوں الیکشن اچ ہرنڑ دی صورت اچ ملیے ۔ وزیر دفاع آکھیا جولیڈی ریڈنگ ہسپتال دے بورڈ اچ وزیراعظم عمران خان دے کزن دا معاملہ چاتا گے ۔وزیراعظم عمران خان دے کزن امریکا دے مشہور ڈاکٹر ہن ۔او اپنڑے خرچے تے اتھاں اجلاس اچ آندن ۔
یوٹیلٹی سٹورز دے ملازماں تے آئی ٹی ٹیچرز کو ں نوکریاں توں فارغ کائنی کیتا ویندا پیا ،جہانگیر ترین کوں خیبر پختونخوا اچ کوئی کنٹریکٹ کائنی ڈتا گیا ،وزیر دفاع پرویز خٹک
مضمون کا ماخذ : کمپیوٹرائزڈ لاٹری
متعلقہ مضامین
