وفاقی وزیر اطلاعات ونشریات سینیٹر شبلی فراز دی وفاقی کابینہ دے اجلاس دے بعد میڈیا کوں بریفنگ

وزیراعظم عمران خان دی زیرصدارت وفاقی کابینہ دا اجلاس، انتخابی اصلاحات اتے کریمینل جسٹس سسٹم اچ اصلاحات دی پیش رفت تے تفصیلی بریفنگ ڈتی گی
لاک ڈان اچ نرمی دے حوالے نال سبھے صوبیں نال مشورے دے بعد فیصلہ کیتا ویسی ، پبلک ٹرانسپورٹ نال باقی شعبیں کوں مرحلہ وار کھولیا ویسی ،
اسلام آباد ۔ 5 مئی (اے پی پی) وفاقی وزیر برائے اطلاعات ونشریات سینیٹر شبلی فراز آکھیے جو کابینہ کوں ڈسایا گئے جو لاک ڈاﺅن اچ نرمی گھن آونڑ کیتے سارے صوبیں نال مشورے دے بعد اج بدھ کوں فیصلہ کیتا ویسی ،پبلک ٹرانسپورٹ دے نال باقی شعبیں کوں مرحلہ وار کھولیا ویسی ، کابینہ ایں امر دا اعادہ کیتا جو بھارت ولوں مقبوضہ کشمیر اچ پنچ اگست دے جارحانہ اتے یکطرفہ اقدام دے بعد حکومت ولوں بھارت توں ساریاں چیزاں دی درآمد تے پابندی عائد اے تاں جو زندگی بچاونڑ آلیاں دوائیں کوں ایں پابندی توں مستشنیٰ قرار ڈتا گئے ۔ وفاقی کابینہ ملک اچ تیار شدہ ہینڈ سینی ٹائزر اتے چاول دی برآمد، وزیرِ اعظم پاکستان کورونا ریلیف فنڈ دے حوالے نال حکومت پاکستان، اخوت پاکستان اتے اخوت یو ایس اے دے وچال مفاہمت دی یاداشت، قومی کمیشن برائے اقلیت دی تشکیل نو دی باضابطہ منظوری ڈتی اے ، موجودہ صورتحال اچ اپوزیشن کوں ہم آہنگی دا مظاہرہ کرنڑاں چاہیدے ، میں کورونا دا ٹیسٹ کروائے نیگیٹو آئے ۔ ااے گال انہاں منگل کوں وزیرِ اعظم عمران خان دی زیر صدارت وفاقی کابینہ دے اجلاس دے بعد میڈیا کوں بریفنگ ڈیندے ہوئیں آکھی اے ۔انہاں آکھیے جو وزیرِ اعظم عمران خان وفاقی وزیر برائے انفارمیشن ٹیکنالوجی امین الحق کوں کابینہ اچ خوش آمدید آکھیے وزیراعظم عمران خان اجلاس اچ سارے وزراءدیاں تجویزاں سنڑیاں ، وزیراعظم ساریں دے مشور ے نال فیصلہ کریندن ۔کابینہ اجلاس اچ فیصلہ کیتا گئے جو وفاقی وزرائ، وزرائےِ مملکت، مشیران اتے معاونین خصوصی اپنڑی ہک مہینے دی تنخواہ کوویڈ ریلیف فنڈ اچ عطیہ کرن ۔انہاں ڈسائے جو اجلاس دے شروع اچ وزیراعظم انتخابی اصلاحات دے حوالے نال پیشرفت دا جائزہ گھدا ۔ وزیرِ اعظم آکھیے جو پاکستان تحریک انصاف انتخابی عمل کوں پورے طور تے غیر جانب دار تے شفاف بنڑاونڑ تے یقین رکھیندی اے جیں نظام تے عمل تے عوام کوں پورا اعتماد ہووے ۔انہاں آکھیے جو انتخابی عمل اچ اصلاحات پی ٹی آئی ایجنڈے دا اہم جزو اے لہذا اے حکومت دی اولین ترجیحات اچ شامل اے ۔ وزیرِ اعظم دی ہدایت دے مطابق کابینہ ڈویژن دی ولوں گزریل دور حکومت اچ کابینہ دی منظوری دے بغیر خلاف ضابطہ کیتیاں ونجنڑ آلیاں اعلیٰ تعیناتیاں دی تفصیل کابینہ دے سامنڑے پیش کیتی گئی ۔ کابینہ کوں ڈسایا گئے جو مختلف ڈویژنز ولوں ہنڑ تئیں ملنڑ آلی معلومات دے مطابق ست ڈویژن اچ 76تعیناتیاں خلاف ضابطہ تھئن ۔کابینہ ہدایت کیتی جو ایں حوالے نال ساریاں وزارتاں توں معلومات کٹھیاں کرتے کابینہ دے اجلاس اچ پیش کیتیاں ونجن ۔ کابینہ کوں کریمینل جسٹس سسٹم اچ جاری اصلاحات دی پیشرفت تے وی تفصیلی بریفنگ ڈتی گئی ۔وزیر اعظم ہدایت کیتی جو کریمینل جسٹس سسٹم دے سارے پہلوواں تے اصلاحاتی عمل کوں ترجیحاتی بنیاد تے پورا کیتا ونجے ۔ انہاں آکھیے جو قانون دی عمل داری کوں یقینی بنڑاونڑ کیتے ضروری اے جو انصاف دے نظام اچ ساریاں خامیاں کوں پرے کیتا ونجے۔ وزیر اعظم وزیرِ قانون کوں ہدایت کیتی جو ایں عمل کوں چبی مہینے اچ پورا کیتا ونجے ۔ تھانڑیں کوں ماڈل پولیس اسٹیشنز بنڑاونڑ تے ٹیکنالوجی متعارف کراونڑ دے حوالے نال پیشرفت دا وی اجلاس کوں ڈسایا گئے ۔انہاں آکھیے جو کابینہ کوں باہرلے ملک رہنڑ آلے پاکستانیاں کیتے سہولت کاری دے حوالے نال کابینہ دے فیصلیں تے عمل درآمد دی پیشرفت بارے وی ڈسایا گیا ۔ اجلاس اچ کابینہ ولوں کیتے ونجنڑ آلے ہنڑ تئیں دے فیصلیں تے عمل درآمد دی تفصیلی رپورٹ پیش کیتی گئی ۔ہنڑ تئیں کابینہ دے 81اجلاساں اچ 1630 فیصلے گھدے گن جیں اچوں 1396 (86فیصد) تے عمل درآمد تھی چکے جڈاں جو 114 (7فیصد) تے عمل درآمد کیتا ویندا پئے ۔ کابینہ دی ہدایات دے مطابق بھارت توں درآمد کیتیاں ونجنڑ آلیاں دوائیاں دی تفصیلات کابینہ دے سامنڑے پیش کیتیاں گن ۔وزیرِ اعظم کابینہ اجلاس نال خطاب کریندے ہوئیں آکھیے جو کورونا دے حوالے نال حفاظتی اقدامات اچ کہیں قسم دی غفلت دا مظاہرہ نی ہوونڑاں چاہیدا ۔ انہاں آکھیے جو حکومت ولوں جیرھیاں کاروباری سرگرمیاں دی اجازت ڈتی گئی اے انہاں اچ حفاظتی اقدامات تے عمل درآمد یقینی بنڑایا ونجے ۔ انہاں کابینہ ممبران کوں ہدایت کیتی جو او ایس او پیز تے عمل کراونڑ اچ اپنڑاں کردار ادا کرن ۔ سینیٹر شبلی فراز صحافیاں دے سوالاں دے جواب ڈیندے ہوئیں آکھیے جو پیپلزپارٹی اتے مسلم لیگ (ن) موجودہ صورتحال اچ سیاسی فائدے کیتے بیان بازی کریندی پئی اے ۔شہباز شریف کوں نیب سڈیے جیرھا جو قانون دا ادارہ اے ، مریم اورنگزیب دے بیان نال اے تاثر پیدا تھئے جو او قانون توں بالاتر ہن تے قانون دے سامنڑے پیش تھیونڑ کوں بے عزتی سمجھدن ،او جمہوریت دے دعویدار ہن حالانکہ انہاں دی سوچ بادشاہت دی عکاس اے۔انہاں اپنڑے دورحکومت اچ ملک کوں لٹیے ،باہرلے ملک اثاثے بنڑائن ایہا وجہ اے جو ملک دا صحت دا نظام تباہ حال اے ۔سینیٹر شبلی فراز آکھیے جو پیپلزپارٹی دی پورے ملک اچ حکومت ہئی ہنڑ اے سندھ تئیں محدود تھی گئی اے اگر ایہا صورتحال برقرا رہی تاں لاڑکانہ تئیں محدود تھی ویسی جیویں کجھ جماعتاں خیبر پختونخوا اچ حجریں تئیں محدود تھی گئن ۔انہاں آکھیے جو وزیراعظم چاہندن جو پبلک ٹرانسپورٹ دے نال باقی شعبیں کوں وی مرحلہ وار کھولیا ونجے تاں جو بیروزگاراں اتے غریباں کوں مزدوری دا موقع ملے ۔اے واحد جنگ اے جیرھی اساں گھر بہہ تے جت سگدوں ۔وفاقی وزیر شبلی فرازآکھیے جو اساکوں احتیاط اتے قواعدو ضوابط تے سختی نال عملدرآمد یقینی بنڑاونڑاں اے ،احتیاط نہ کرنڑ دی صورت اچ اے ولا کھنڈ سگدے جیرھا جو خطرناک صورتحال ہوسی۔میڈیا ایں حوالے نال آگاہی ڈیونڑ اچ کردار ادا کرے ۔انہاں آکھیے جو میں کورونا دا ٹیسٹ کرائے جیرھا نیگیٹو آئے ۔